Mabilis na naging usap-usapan ang pagbabalik ni Giovanni sa probinsya. Gabi pa lamang ay siya na ang kanilang paksa sa bawat kabahayan matapos nilang marinig ang ingay ng sasakyang panghimpapawid na dumaan.
Tama naman sila ng hula, dahil kinabukasan ay naglalakihang mga truck ang gumising sa mga mamamayan sa sitio kung saan ang mga ito ay iisa lang ang paroroonan; Sa minahan.
"Mukhang balik na sa operasyon ang minahan," anang isang tagaroon na nakikiusyoso.
"Mukha nga at mukhang walang kadala-dala ang mga ito," anang guro na isa sa mga sumama at sumusuporta sa mga raliyista.
"Ano kayang klase ng delubyo ang hinihintay ng mga ito bago sila tumigil?" may bakas na galit na tanong ng isang kapitbahay nilang lumapit nang marinig ang usapan nila.
"Sila ba ang dapat maghintay? Tayo ang kawaw
