Isang mapayapang pag-uusap ang namagitan sa dalawa na tila ba ay dati na silang malapit sa isa’t-isa. Medyo ikinagulat ni Gio nang husto ang bagay na iyan dahil iyon pa lamang ang kauna-unahang pagkakataon na nagkapag-usap sila nang harapan. Hindi niya lang batid kung maging ang kaniyang kausap ay napansin 'yon, ngunit sa loob-loob ni Leon ay nabawasan ang bigat sa dibdib niya nang mga samdaling 'yon.
“So, anong plano mo ngayon?” tanong ni Gio matapos may namagitan sa kanilang katahimikan.
Nag-isip muna si Leon matapos marinig ang tanong dahil wala pa siyang nabubuong plano. May ilan na pumasok sa isip niya matapos maalala na may mga kamag-anak ang kaniyang ina sa probinsya, na baka nais muna ng mga ito na makita sa mga huli nitong sandali ang kaniyang ina. Naisip niyang ipa-cremate na l
