INABOT ng dalawang oras ang byahe namin papunta sa Hong Kong. Na-late rin ang flight namin kanina sa Pinas, imbis na alas-onse ang flight namin ay naging ala-una ng hapon. Halos two hours ang delayed ng aming flight, naiinis na nga si Benedict kanina, pinapa-relax lang namin.
Ang dali talaga mag-init ang ulo niya, ano?
Nakababa na rin kami sa airport ng Hong Kong, lumakad na kami para makuha na namin ang aming tig-iisang maleta, ang backpack ko pala ay handcarry at dala iyon ni Benedict, nakasukbit sa kanyang balikat. Habang lumilibot kami ay naglilibot na ang tingin ko sa buong paligid. “Nasa Hongkong na tayo!” nakangiting sabi ko sa kanilang tatlo. Tinuro ko pa roon ang 'Welcome to Hongkong' na signage sa may pader.
“Magpa-picture po tayo roon!” sabi ko sa kanila.
Tumango sila sa a
