NAPAGHIWALAY ko rin sina Francine and Cohen kanina na parang magsusumbong na silang dalawa dahil sa titigan nila sa isaʼt isa.
“Tsk, ang panget naman niya! Mas gwapo pa rin talaga ang kapatid kong si Alexander!” usal niya habang nandito na kami sa school supplies. “Teka, totoo kaya ang sinasabi niya? Iyong may binabalak silang ikulong ka para hindi makadalo sa fan meet? Eh, hindi naman talaga tayo dadalo, e! Si Professor naman kasi KJ! Pero, sana magbago ang kanyang isip, ano? Gusto ko rin pumunta sa fan meet para manalo muli ng merch ng Starlight!” saad niya habang kumukuha kami ng bibilhin namin.
“Frances, kinakabahan ka ba? Hindi ka nagsasalita dʼyan, ha? Huwag kang mag-alala hindi ka namin hahayaang maikulong ng mga impakta at anak ni santanas, okay! Baka sa araw na iyon ay maipapa
