3 WEEKS LATER
"Babalik pa po ba ang ala-ala niya? Kasi po bago ko po siya iuwi dito sa probinsya, nahimatay po siya. Inabot po ng limang oras siyang walang malay. Paggising niya po ay ganiyan na po siya, nakatulala, hindi makausap. Kapag tinitingnan niya kami, parang di niya kami kilala," sabi nitong ina ni Deina sa doktor na siyang pinagkonsultahan niya sa kalagayan ng anak.
"At saka, bale tinanong ko po ro'n sa hospital kung saan na-confine ang anak ko. Ang sabi sa akin, CTE raw po ang nakikita nila. Ano po ba iyo, doc? Malala po ba iyon?"
Bago sumagot iyong doktor, tumingin muna ito sa gawi ni Deina. Nagpaakawala ito ng mabigat na buntonghininga dahilan para mas lalong lumaki ang kaba sa dibdib ng ina ni Deina.
"Ang CTE po ay wala pong gamot, ngunit iyan po ay dina-diagnose lamang
