"I can't believe this, Alfred?! Totoo bang ginawa mo iyon sa kapatid mo?! Akala ko ba maayos kayong dalawa, ha?! Ano ito!" mariing pag-uusig ni Dante sa kaniyang anak-anakan. Hindi makakibo ang binatilyo. Sa loob-loob niya'y puot, wala ni katiting na pagsisisi ang kaniyang puso. Wala siyang makitang mali sa kaniyang ginawa, sa loob ng kaniyang isip ay nararapat lamang kay Kristoffer ang nangyari rito.
"Tahan na Dante. Baka naman hindi ang anak natin ang may kasalanan. May iba pang itinuro ang estudyante mo, di ba? Baka sila ang nambugbog kay Kristoffer, idinamay lang si Alfred," ani no'ng bagong asawa ni Dante.
"Anak mo. Pagsabihan mo iyang si Alfred kung ayaw niyang makatikim ng hagupit sa akin. Kung tunay na itinuturing niya akong ama, magtitino siya. Pantay ako sa kanilang dalawa ni
