CHAPTER 23
"That book again?"
Marahas na napaupo nang tuwid sa swivel chair si Maxine nang marinig ang tinig na iyon. Sa labis na pagkatutok sa librong binabasa niya ay hindi na niya namalayan pa ang pagbukas ng pinto ng opisinang kinaroroonan niya at ang pagsilip na ginawa ni Janina, isa sa matatagal nang empleyado ng Gem Galore, ang jewelry shop na pag-aari nila.
"Nanggugulat ka naman, Ja," saad niya na hinaluan pa ng pekeng paninita ang tinig.
"Nanggugulat? Kumatok ako, Max. Ano na lang sa dalawa, naging soundproof na itong opisina mo? O sadyang wala kang naririnig kapag iyang libro ang binabasa mo?"
Janina walked towards her table. Napasulyap pa ito sa librong nailapag niya sa mesa.
"Hindi ko na mabilang kung ilang beses na kitang nahuling binabasa ang libro na iyan, Max. Aba'y m
