NAIINTINDIHAN niya kung bakit masama ang loob ng asawang si Elizabeth. Ilang beses siya nitong pinigilan sumama pero hindi siya nakinig. Ipinaliwanag naman niya dito kung bakit kailangan naroon siya sa mahalagang mission. Kaya heto at ayaw siyang pansinin.
Oras ng alis nila at hindi niya magawang humakbang kahit naghihintay na ang lahat sa rooftop. Hangga’t hindi siya nilalapitan ng kanyang asawa ay nananatili siyang nakatayo sa pintuan.
Ilang beses siya nitong sinulyap at nakatingin lang din siya dito. Hanggang nakita niyang humakbang na ito patungo sa kanyang kinatatayuan. Pagkatapos ay yumakap sa kanya ngunit nananatiling walang imik.
“Aking Mahal, huwag ka ng magtampo. hindi ko lang talaga kayang pabayaan silang lumakad na wala ako. Lalo sa ganitong mahalagang mission. Pangako babal
