"Sa tingin mo ba may binabalak na hindi maganda sina Vlad at Jackie?" Tanong sa kanya ni Penny nang makauwi na sila sa condo na tinutuluyan nila.
Nagyaya pang mag dinner ang lola nila, pero hindi na sila sumama pa ni Penny, dahil nais niyang iwasan sina Vlad at Jackie tiyak kasi niyang may ibang nais mangyari ang dalawang iyon sa kanila ni Penny, at hanggang kaya niya poprotektahan niya si Penny. Nagdahilan na lang siya na may gagawin pa sila ni Penny kaya hindi na rin sila pinilit pa ng lola niya, ewan lang niya kung sumama ang dalawa na mag dinner sa lola niya.
"Huwag tayong makampante, kilala ko si Jackie hindi iyon basta-basta nagpapatalo sa ano mang laban," tugon niya kay Penny.
"Actually, pinuntahan ako ni Jackie kanina sa school," Penny said na kinagulat niya.
"What? Pinuntahan
