"Bakit ba kasi sunud-sunuran ka pa rin sa Mama mo? Kung ayaw niyang tanggapin ang mag ina eh di hayaan mo siya. Tanggap naman sila ng Papa mo," saad ni Kian nang tawagan niya ang kaibigan para makipagkita rito sa isang bar. Nais kasi niya ng makakausap, gulung-gulo na siya sa nangyayari sa kanila ni Anisha.
"Pumayag na ko para matapos na,' he said.
"Naku, hindi matatapos iyan, after ng DNA test may gagawin na naman iyang Mama mo," iling ulong saad ng kaibigan.
Sa tagal na rin nilang magkaibigan ni Kian alam na nito lahat ng nangyayari sa buhay niya. Kilalang-kilala na rin nito ang ugali ng kanyang mga magulang.
"Isa pa kilala mo naman iyang Mama mo. Syempre gagawa iyan ng drama para lumitaw sa result na hindi mo anak si Arkin," patuloy pa ng kaibigan.
Iyan din ang duda nila ni Anisha
