"Nakakapanibago naman po kayo Sir, parang ang sigla niyo ngayon," puna sa kanya ng kanyang secretary matapos niya itong batiin ng good morning.
"Ah? Masigla ba ko?" Nakangiting tanong niya rito. Although kanina pa niya halata sa sarili na iba ang kanyang energy. Masaya siya at masigla. Iba din pala ang nagagawa ng may babaing nag-aasikaso sa kanya.
"Opo Sir. Ibang-iba sa dati," tugon sa kanya ng secretary.
"Talaga ba," saad niya at nagpaalam na sa secretary na papasok na sa loob ng opisina.
"Kape po?" Alok nito.
"Tapos na," tugon niya rito at lumakad na papasok sa loob. Mula nang magsama sila ni Penny sa condo unit niya lagi na siyang nakakapag almusal at kape bago pumasok sa trabaho, kaya hindi na niya kailangan magpatimpla pa sa secretary niya.
Pag upo niya sa swivel chair napansi
