Pagkaalis na pagkaalis ni Grey ay saka may lumapit kay Aarah na matandang mag-asawa. Nasisiguro niyang ito ang mga caretaker na sinasabi ni Grey. At base sa mukha ng mga ito ay mababait nga.
"Ako nga pala si Nanang Imelda, Ma'am Aarah," nakangiting pakilala ng matanda na sa tingin ni Aarah ay nasa singkuwenta anyos ang edad. Binalingan nito ang katabing matandang lalaki na halos kasing edad lang din. Maganda rin ang ngiti. "At ito naman ang asawa ko na si Tatang Jose. Kami ang nag-aalaga nitong mansiyon kapag wala si Sir Grey. Kami rin ang pansamantala n'yong makakasama habang wala siya. Basta puntahan mo lang kami sa kusina kapag may kailangan ka."
"At huwag ho kayong mahiya sa'min, Ma'am, lalo na kay Sir Grey. Napakabait niyang tao," dagdag naman ng asawa nito.
"Agyamanak ho, Nanang I
