"So, ikaw pala ang A na sinasabi nilang kapatid ni Bart," bungad ni Mommy Yvette nang mag-usap sila nito sa sala. "I didn't know na may kapatid pala si Bart. Dahil nag-iisa lang siya sa lansangan nang mapulot namin ng dati kong asawa. Halos magtatlong taon lang siya n'on."
Sa sinabi ng ginang ay lalo lang napatunayan ni A na hindi nga niya kapatid si Bart. Ibig sabihin, bukod kay Baste ay may iba pa itong inampon na bata. Sigurado rin na wala itong kamalay-malay na si A ang batang nagbenta noon ng kapatid. Hindi siya one-hundred percent na ito nga ang umampon noon sa kapatid niya. Pero pamilyar ito kay A. At malakas ang kutob niya.
Gustong-gusto na sabihin ni A ang totoo at itanong kung nasaan na ba si Baste. Ngunit natatakot siya sa maaaring malaman. Dahil naalala niya ang sinabi kanina
