"M-matagal na naming pangarap noon ni Ric na magkaanak. Kaya halos araw-araw kaming bumabalik sa simbahan para humiling sa Diyos," pagkukuwento ni Mommy Yvette na puno ng lungkot ang boses. "At doon namin kayo nakikita palagi ni Baste. Cute na cute ako sa kapatid mo. Para siyang anghel sa paningin. Tuwang-tuwa ako sa kaniya. And at the same time, naaawa... Naaawa ako sa sitwasyon n'yo. I don't know kung bakit habang tinitingnan ko noon si Baste ay parang ang saya-saya ko. Siya ang pangarap kong maging anak. Hindi kompleto ang araw ko kapag hindi siya nakikita. Until one day, kinausap ko si Ric na kausapin ka. Na ampunin na lang namin si Baste. Pero narinig namin noon na kinakausap mo siya. Na ang sabi mo, kahit anong mangyari ay hinding-hindi kayo maghihiwalay. Hinding-hindi mo siya iiwan.
