"K-kumusta ho ang kalagayan ni Bart, Dok?" lakas-loob na tanong ni Aarah sa halos apat na taon na ring doktor ng kaibigan. Kanina pa niya ito gustong tanungin pero hinintay muna niyang lumabas ito ng kuwarto at saka niya sinundan para hindi marinig ni Bart. "O-okay naman ho ba siya?"
Malungkot ang tingin na ipinukol nito kay Aarah. "Tatapatin na kita, hija. Lumalala na po ang kalagayan ni Bart. And anytime by now ay puwedeng lumala pa. But the good thing is, Bart is fighting." Sa kabila ng lungkot ay ngumiti ang doktor sa kaniya. Tinapik nito ang kaniyang balikat. "Yes, hija. Lumalaban ang kaibigan mo. Napakatapang niya. At kahit papaano ay maganda iyang balita."
Nabawi ang pamamasa ng mga mata ni Aarah nang marinig ang sinabi ng doktor. "Maraming salamat ho, Dok. Masaya akong marinig na
