Mga ilang araw din na hindi pumunta si Aarah kina Clara. Sinabi na lang niya na kailangan niyang bantayan si Bart. Pero ang totoo ay iniiwasan lang niyang makita at magkausap uli sila ni A.
Nadagdagan kasi ang sama ng loob niya sa binata. Dahil noong minsan lang ay nahuli nila ito, kasama sina Bernard, na nakikipagsayawan at nakikipaglandian sa mga babae sa birthday party ni Kapitan Mais Conielo, ang barangay captain sa lugar nina Clara.
Ayaw mang aminin ni Aarah sa sarili na nagselos siya nang malamang may kahalikan noon si A, alam niyang hanggang ngayon ay kumukulo pa rin ang dugo niya sa tuwing naaalala iyon. Kaya nga nang gabing iyon ay pinagpapalo niya ng batuta si A dahil sa sobrang inis.
"Pards, mukhang ubos na ubos na naman ang paninda natin, ah!"
Napalingon si Aarah nang m
