"Hinding-hindi na po," mabilis na sagot ni A. Nakasilay sa mga labi nito ang pilyong ngiti. "Kahit ipakasal ka pa ng mga magulang mo sa iba, hindi ako papayag. Pipikutin na lang kita."
"Galingan mong manligaw sa anak namin kung ayaw mong maunahan ng iba," natatawa namang sabi ni Tatay Poldo.
"Wala na pong ligaw-ligaw, Itay. Ngayon pa lang ay sinasagot ko na si A." Tumawa siya nang malakas nang mag-iba ang ekspresyon ng mukha ng kaniyang mga magulang. "Trentay dos na ho ako. Hindi na bagets para ligaw-ligawan pa." Marami na kaming pinagdaanan ni A para dumaan pa sa ligawan. Gusto sanang idagdag ni Aarah pero pinili niyang itago na lang sa mga magulang ang ano mang nakaraan nila ng binata.
"Aba, eh, ano na lang ang sasabihin dito ng mga tao?" nag-aalalang tanong ng kaniyang ina.
May pag
