Hindi na hinintay ni Aarah na makalabas ng banyo si A. Pagkatapos niyang magbihis ay nauna na siyang lumabas dahil nag-text na si Nenette na nauna na raw ang mga ito sa ospital. Doon na lang daw siya hihintayin ni Bart.
Natatakot din si Aarah na baka may makakita sa kanilang dalawa ni A kapag sabay silang lumabas ng kuwarto niya. Bahala na itong dumiskarte kung paano ito lumabas ng kuwarto niya mamaya.
Laking pasalamat ni Aarah nang walang nakakita sa paglabas niya ng kuwarto. Kaagad siyang dumiretso sa sala para magpaalam kina Clara at Erin.
"Aalis muna ako, besie, ha? Pupuntahan ko muna si Bart sa ospital. Ngayon kasi ang chek ap niya, eh," paalam ni Aarah. Binalingan niya si Erin. "Ikaw na muna, tol, ang tumulong kay besie sa pagliligpit, ha? Babalik na lang ako mamayang hapon. Ako
