Matamis ang ngiti sa mga labi na nagdilat ng mga mata si Aarah. Hindi niya maintindihan kung bakit ang sarap-sarap pa ng gising niya ng umagang iyon. Samantalang kagabi lang ay hilong-hilo siya. Kaya inaasahan niyang mayroon siyang hangover.
Kumilos ang dalaga para sana bumangon na. Ngunit gayon na lang ang pagkagulat niya nang malamang hindi pala sa unan nakapatong ang ulo niya, kundi sa matipunong katawan ng isang lalaki.
Namilog ang mga mata niya. A? Anong ginagawa niya rito?
Ngayon lang bumalik sa isip ni Aarah na dito nga pala natulog sa tabi niya ang binata. At saka lang niya na-realize na kaya pala sobrang sarap ng gising niya ay dahil nakayapos pa sa kaniya ang mga braso ni A.
Pasimpleng sinipat ng dalaga ang kanilang mga katawan. Pareho naman silang nakadamit. Pinakiramdama
