Masaya si Aarah dahil naging matagumpay ang birthday celebration ni Clara. Nakita niya na sobrang saya ang bestfriend niya dahil kumpleto ang mga taong mahalaga rito. Halos lahat din ng kakilala nila sa barangay ay pinapunta ni Clara, kasama na ang buong pamilya ni Aarah at malalapit nilang mga kaibigan. Masayang-masaya ang mga ito dahil bukod sa busog na busog na ay may mga na-take out pa. Pinadala na kasi nina Clara at Bernard ang mga tirang pagkain kaysa sa masira lang. Hindi na muna umuwi si Aarah dahil kailangan niyang tumulong sa pagliligpit. Tinawagan na lang niya si Bart at nagpaalam dito. Ibinilin din niya ito kay Nenette. "Kahit bukas na natin iligpit ang mga iyan, beshie," sabi ni Clara kay Aarah nang makaalis ang catering service at naiwan sa garden ang mga gamit nila. "Alam