Gusto sana ni A na personal na magpasalamat sa boss ng mga lalaking nakaitim. Kaso tumanggi ito na humarap sa kanila. Nahihiwagaan man siya sa lalaking iyon pero hindi na siya nagpumilit. Kahit ang totoo ay gusto talaga sana niya itong makaharap para masagot ang tila kaba na nararamdaman niya sa pagkatao nito.
Pero aminado ang binata na nakaramdam siya ng selos sa ideyang si Aarah talaga ang gustong tulungan ng lalaki, katulad ng sinabi ng tauhan nito.
"Are you sure na hindi mo kilala ang lalaking iyon?" tanong ni A kay Aarah nang makalabas sila ng bar. "Bakit ka niya tinulungan?"
"Hindi nga. Ang kulit nito! Siguro iniligtas lang niya ako kasi nakita na niya ako kanina sa labas habang naghihintay sa'yo. Nadaanan nila ako sa entrans, eh."
"Nagpapansin sa'yo?" tanong uli ni A sa tonong n
