"Grabe ka, pre. Huwag mo na ulitin iyong ginawa mo, ha?" sermon ni Bernard kay A. "Ikaw itong palaging nagpapalakas ng loob ko noong mga time na down na down ako, eh. You are a very strong person, Pare. Kaya kung ano man ang pinagdadaanan mo ay sigurado ako na malalagpasan mo." Umiling ito saka tumawa nang pagak. "Nakakatampo ka lang kasi, ako, sinasabi ko sa'yo ang lahat ng problema. Pero ikaw, naglihim ka sa'kin. Puwede mo namang i-share sa'kin o sa'min na mga kaibigan mo, eh. Hindi mo kailangang solohin ang sakit."
"Oo nga naman, pare," sabat ni E. "Para namang hindi mo kami kaibigan niyan. Wala man kaming naitulong sa'yo."
"Parang wala tuloy kaming silbi sa'yo," dagdag pa ni B. "Para na tayong magkakapatid pero sinolo mo ang lungkot at sakit. Nasaan kami noong kailangang-kailangan mo
