Kung kailan nagmamadali sina Aarah ay saka naman flat ang gulong ng sasakyan ni Bart. Tatawag na sana sila ng ambulansiya nang may huminto na kotse sa tapat ng gate ng bahay ni Bart.
Nanlaki ang mga mata ng dalaga nang bumaba ang sakay niyon. "Ikaw?!"
"Saan n'yo dadalhin si Bart? Anong nangyari sa kaniya?"
Kung nagulat man si Aarah sa presensiya ng lalaki na boss ng mga lalaking nagligtas sa kaniya noon sa bar, mas nagitla siya sa nalamang kakilala nito si Bart. Kitang-kita ni Aarah na kahit si A na tahimik at parang malalim ang iniisip habang karga-karga si Bart, gulat na gulat din nang makita ang lalaki.
"Isusugod po namin siya sa ospital, Sir Grey."
Lalong nanlaki ang mga mata ni Aarah nang tawagin ito ni Nenette sa pangalan. "Kilala mo siya?"
"Kaibigan po siya ni Sir Bart, Ma'am
