"Lahat ay ginawa ko para kay Manong Herardo. Pero ikaw pa rin na sampid ang pinili niya! Ang walang kuwentang katulad mo!"
Iyon ang naririnig ni A na sinasabi ni Don Manuel habang nananakbo siya paakyat ng hagdan. Kaya nasisiguro niyang si Grey nga ang kausap nito.
"Walang kasinsakit ang ginawa sa'kin ni Manong Herardo. Kaya kulang na kulang pa itong pagpapahirap ko sa'yo!" galit na galit na sigaw uli ni Dom Manuel kasabay niyon ang malakas na pag-igik ni Grey na tila nasasaktan.
Hindi maintindihan ni A kung bakit parang siya ang nasasaktan habang pinapakinggan niya ang paghihirap ni Grey. Parang tumindi ang pag-aalala niya. Lalo siyang naghahangad na mailigtas ito.
Tumigil sa pagtakbo si A nang maramdaman niyang nagva-vibrate ang cellphone niya. Ayaw niya sana iyong sagutin kaso bigla
