"Saan tayo pupunta ngayon? Kabisado mo ba itong Bagyo?" tanong ni Aarah kay A nang makalabas sila sa hotel na tinutuluyan nila.
Dahil buwan ng December at kasagsagan ng cold temperature sa Baguio kaya nakasuot sila ng pangmalamig. Sinuotan din ng gloves ni A ang mga kamay ni Aarah para raw sigurado na hindi siya lamigin.
"Kabisado ko dati itong Baguio. Pero ten years na simula nang huli akong umapak dito."
"Sampung taon?!" exaggerated na bulalas ni Aarah. "Siguradong marami na ang nagbago sa lugar na ito. Malay ba natin na hinuhuli na pala rito ang mga bano."
Tumawa lang si A bago siya inakbayan. "Huwag kang mag-alala. Ilang buwan din kaming nanirahan dito noon nina Pareng Boss dahil sa alam mo ng "business" namin. Kaya kahit papaano ay alam ko pa rin naman itong lugar. May Google map
