CHAPTER 27:
MATAPOS KONG TAWAGAN SI Veron, kaagad kong inalis ang sim card ko pagkatapos ay nagpalit ng bagong numero. Alam ko sa sarili kong kabisado ko ang number ni Veron, ang totoo, naaakit akong tawagan siya pero pilit kong pinigilan ang sarili ko. Itong gagawin ko, para din naman sa kaniya, mas makakabuti ito para sa aming dalawa.
“Sigurado ka na po ba talaga, Ma’am?” tanong ni Michael.
Tumango ako, nagpresinta sila na samahan ako sa airport ngayong araw ng flight ko. Hindi sila makapaniwala na agad-agad akong aalis. Kahapon lang ako nagpaalam sa kanila. Tinawagan ko rin kahapon si Callia na aalis na ako, nagulat siya at nagtanong kung ano ang dahilan pero hindi ko siya sinagot ng totoo. Sinabi kong nalugi ang negosyo ko at balak kong magtrabaho na lang sa States.
“Baka naman mag
