“MAMSY, gusto mong sumama sakin mag-gym?”
Mula sa kinukusot na mga puting damit ay lumingon si Florie sa asawa. “Hindi pa ko tapos maglaba.”
“Ipa-laundry na lang kasi natin ‘yan.”
“Sayang lang sa pera. Kaya ko naman maglaba.”
“Mapapagod ka naman,” sabi ni Baro. Kumuha ito ng gatorade sa fridge at inilagay sa duffel bag nito.
“Mas nakakapagod ang intindihin ka…” bulong niya.
“Ano? May sinasabi ka, Mamsy?” kunot-noong tanong ni Baro.
“Ang sabi ko, puti na naman ‘yang suot mo, ‘pag uwi mo mamaya may kung anu-anong mantsa na naman ‘yan.”
“Sa gym lang naman ako pupunta. `Saka may baon akong pamalit, hindi naman ito ang gagamitin ko.”
“Sige na, umalis ka na. Tawagan mo na lang ako kapag hindi ka na naman makakauwi,” taboy niya dito. Itinuon na niyang muli ang
