“TINGNAN mo ‘yong dalawa, dito pa sila sa bakeshop ko nag-di-date. Kapag may Sprouts na naligaw dito siguradong trending na naman ang Andy Cakes.”
“Naku, Ate Andy, hayaan mo na ‘yan si Kuya Johann.” Naka-kunot ang noong sagot ni Shen sa sinabi ni Andy.
“Kilala naman na si Rima ng mga Sprouts, ‘di ba?” tanong ni Florie.
“Oo, pero may iba pa rin naman na against sa relasyon nila. Lalo na ‘yong mga Johann-stans na halos ilang buwan na nagluksa nang malaman na totoo ngang may karelasyon na non-fan ang bias nila. Biruin mo ba naman, ikaw itong super fangirl pero hindi napansin,” sagot ni Shen. “Pero mukha namang hindi apektado ‘yang dalawa na ‘yan sa kung ano mang tsismis na lumabas. Going strong ang peg.”
“Hindi nila matanggap na isang non-sprout pa ang magugustuhan ni Johann. Sa dami n
