LUMIPAS ang mga araw, linggo at buwan. Naging matahimik ang pagsasama nila ni Baro, palagi na itong umuuwi sa bahay nila at kung hindi man makakauwi ay nag-vi-video call sa kanya para ipaalam kung nasaan siya. Iyon na ata ang pinakamasayang taon para kay Florie, ramdam niyang nagbago na nga si Baro.
Kung noon ay siya ang palaging nag-aasikaso dito ngayon ay siya na ang inaasikaso nito kapag wala masyadong trabaho at nasa bahay lang ito. Hindi na din ito madalas na maglasing at magpunta sa mga maiingay na lugar, na dati ay palaging laman ito.
“Wala ba kayong guestings ngayon? Mall shows? Fan meets?” tanong niya sa asawang si Baro habang nagtutupi ng mga damit sa sofa.
Mula sa binabasang libro ay lumingon ito sa kanya. “Wala naman sinabi si Gian kagabi na may practice kami ngayon. Wala di
