Keizha's POV
I woke up with a sadness on my face. Napatitig ako kay Aaden na mahimbing pa rin ang pagkakatulog. Nakatagilid ito paharap sa akin habang ang isang braso ay nakapulupot sa beywang ko. Hinaplos ko ang pisngi niya at pinalakbay ang daliri ko sa bawat parte ng kanyang mukha. Tinatandaan ang bawat parte nito at hinahaplos sa huling pagkakataon. Mamaya kapag pumasok ito ay lilisan na ako. Papunta sa lugar kung saan ako dadalhin ng tadhana at malayo dito. Nakita ko ang paggalaw ng talukap ng mata nito tanda na nagigising ito sa aking ginagawa sa kanyang mukha.
Tuluyan itong dumilat at nagbigay ng isang magandang ngiti sa umagang iyon.
" Good morning! " bati nito at hinagkan niya ang tuktok ng aking ulo.
