Ismael POV
Nang makita ko na nakalabas na ang mga taong iyon ay agad akong lumabas upang tingnan ang lagay ni Carding.
" Magtago na po kayo. Baka pumasok na ang mga pulis. Doon kayo sa kwarto ninyo. Sasabihin kong hindi iyon nabuksan ng mga nanloob kanina dahil walang susi. " kahit hirap ay pinagtulakan ako nito upang umalis na.
Tama ito na hindi dapat ako makita ng mga pulis kahit kabaro ko pa ang mga ito. Mabilis akong kumatok sa kwarto ni Alliyah at nag-aalalang mukha nito ang sumalubong sa akin. Agad akong pumasok at pagkasara ko ng pintuan ay agad ako nitong niyakap ng mahigpit.
" Anong nangyari sa iyo? Bakit ang tagal mo bago makabalik. " puno ng pag-aalala na tanong nito sa akin.
" May nanloob kanina at nagtago ako kaya
