Nakakatakam na usok galing sa tinutunong barbecue sa may kalan ang sumalubong sa dalawa nang makalabas na sila sa pintuang nag-uugnay sa sala at indoor pool ng bahay. Kasalukuyang nagtutuno sila Manang Faith kasama ang dalawang Mrs. na sina Sarah at Adella.
Sa kabilang banda naman ay swabeng nagkwekwentuhan sina Mr. Sison at Mr. Mercado kasama si Luke habang may mga hawak na inumin sa kamay.
Sina Cassiopeia at Megan ay tahimik na tinatampisaw ang mga paa sa maligamgam na tubig ng pool. May pinakabit palang heating system si Mrs. Sison noong isang linggo para maisakatuparan ang wild dream niya ngayong pasko. Matagal na niya itong plano kaso kanina lang niya sinabi bilang surpresa, kung kaya naman ay napilitan ang lahat na bumili ng two piece na gagamitin pagkatapos nilang magpamigay ng mu
