Naging mabilis ang paglipas nang panahon para sa dalaga simula nang makauwi sila mula sa Batangas. Tapos na rin ang New Year’s Celebration kung saan nakiisa na lamang siya sa mga natipong tao sa park na malapit sa kanyang apartment sa pagsalubong ng bagong taon. May libreng firework display ang lokal na pamahalaan ng lugar para sa mga taong katulad niyang walang magandang mapuntahan para sa Media Noche.
Malakas siyang pumara sa kinasasakyan niyang jeep nang makatapat na ito sa building ng Manila Times. Back to work na ulit matapos ang mahaba-habang bakasiyon. Sa bungad ng main entrance ay masaya siyang sinalubong ng kaibigang bakla.
“Oh gosh sisteret I miss you so much. Happy New Year!” ani nito sa kalagitnaan ng kanilang yakapan.
“I miss you too of course. Happy New Year!” palik wika n
