Mabilisang ginupitan ng designer ang sirang bahagi ng long gown na susuotin sana ni Ghana. Bakas sa pagmumukha nito ang pag-aalala at paghihinayang sa kinailangan niyang gawin sa kanyang disenyo. Ito ang unang pagkakataong may sumabotahe sa taunang Paris Couture niya.
Sa kabilang banda naman ay tahimik na nakikiramay ang mga event organizers sa sinapit ng masterpiece ng kilalang fashion designers dahil sa naging kapabayaan nilang maglagay ng mas matinding security system sa lugar. Ang pangyayaring ito ay magsisilbing aral sa kanila upang mas paigtingin at mas patibayin ang seguridad sa mga susunod na event na kanilang ihohost.
Aminado silang hindi naman sila basta-basta nagpapasok ng mga outsider sa loob ng silid kung saan nakahilera ang mga nagagandahan at naggagarbuhang mga long gowns
