“Hmm beauty…I observed nagiging balisa ka na lately,” malumanay na panimula ni Cohen habang masuyong sinusuklay ang mahabang buhok ng dalaga gamit ang kanyang mga daliri.
Kasalukuyan silang nakahiga sa pahabang couch sa may sala ng hotel room ng dalaga. Nasasanay na rin si Ghana sa mga biglaan at palagihang pagdalaw ng kasintahan sa kanyang tinutuluyan. May ilang pagkakataon pa ngang bigla na lamang siyang nagigising kinaumagahan at makikita ang binata sa kanyang tabi.
Hindi raw ito makatulog sa kanyang silid ang palaging dahilan nito. Wala namang problema si Ghana sapagkat ideny man niya sa harapan ng binata, hindi niya maitatanggi sa sarili ang kakaibang saya na paggising mo sa umaga, ang una mong makikita ay ang taong mahal na mahal ka.
Nasasanayan na rin siya sa pagiging touchy ng
