Walang paglagyan ang ligaya ng mga tauhan sa hacienda habang isa-isa naming inaabot ang mga grocery ang isang sakong bigas. Napagdesisyunan namin na sa halip na maghanda kami ng bongga ay ibigay na lang sa mga tauhan na nag-aalaga ng hacienda.
"Maraming salamat po, Senyorita," hindi mawala ang ngiti nilang lahat. Pagkatapos kasi nilang kumain ay binibigay namin ang gift namin sa kanila.
"Welcome." Nakangiti kong sagot.
"Hindi po namin inaasahan na ganito po ang gagawin n'yo." Mangiyak-ngiyak na sabi ng matanda.
Marahan kong tinapik ang balikat niya. "Deserve n'yo po ang lahat ng ito. Mahigit dalawang taon na rin kaming walang gift sa inyo kaya sinulit na namin."
"Hulog po kayo ng langit sa amin." Niyakap niya ako sa sobrang tuwa niya.
Halos lahat ng mga tauhan sa hacienda ay umuwi n
