"Congratulation, Misis. It’s a healthy baby girl,” bati ng doktor na nagpaanak kay JL.
Ngumiti ang pawisan at hinang-hina na si JL. Salamat sa Diyos at naipanganak niya nang maayos ang kanyang anak. Gusto sana niyang makita at mayakap ang anak niya pero talagang bumigat na ang talukap ng kanyang mga mata. Wala na siyang lakas, pinahirapan kasi siya ng anak niya sa pagli-labor. Pero okay lang, sulit naman ang kanyang paghihirap dahil malusog daw ang kanyang anak. Walang katumbas na kasiyahan ang kanyang naramdaman lalo na nang narinig niya ang iyak ng kanyang munting anghel.
Nakangiti siya nang ipikit niya ang mga mata.
Wala siyang kaalam-alam na hindi na niya masisilayan paggising niya ang anak na pinaghirapan niyang iluwal dahil ilan sa mga staff ng ospital na nag-aasikaso na ngayon sa
