"Darren, where are you going?” pansin ni Aling Susan sa bunsong anak nang makita niya itong paalis.
“Sa labas lang,” walang ganang sagot ng binata na naaalibadbaran sa mga nakikita niyang eksena sa silid kaya mas gusto na lang lumabas.
Katulad ni Aling Susan, hanggang ngayon kasi ay inis pa rin siya kay JL. Napilitan lang siyang sumama sa mommy niya dahil nakiusap itong suportahan nila ang Kuya Jonathan nila sa mga ganitong sitwayon kahit pa hindi pa rin nila tanggap ang babaeng kinakasama nito ngayon.
“Ayaw mo bang kargahin ang pamangkin mo?”
“Saka na lang,” sagot niya at lumabas na nang tuluyan sa silid. Hindi naman niya idinadamay ang bata, pero huwag muna ngayon, mabigat pa rin kasi ang loob niya kay JL.
Nagpahangin siya sa labas. Nagpasya na rin siya na sa labas na lang din niya
