"Wow! Ang laki pala ng bahay ni Jonathan, Sis.” Manghang-mangha si Flower habang inililibot nito ang paningin sa buong kabahayan.
“Malaki nga wala namang katao-tao,” matamlay na wika ni JL. Hindi lang dahil nalulungkot siya, kundi dahil kagabi pa masama ang pakiramdam niya. Ang bigat ng katawan niya.
“Gaga, syempre dalawa lang naman kayong nakatira dito ni Jonathan. Magtaka ka kung maingay.”
“I mean kahit si Jonathan kasi ay halos wala na rito sa bahay na ito. Nagmumukha na nga akong tanga rito.”
“Bakit? Nasa’n si Jonathan?” nagtakang tanong ni Flower.
Umupo silang dalawa sa mahabang sofa.
“Ayun, panay ang alis. Hinahanap pa rin niya ang Ashlene na ‘yon. Kakabuwisit,” humalukipkip na sagot niya. “Sila ni Darren. Lagi na lang na sila ang magkasama. Inlababo yata ang Darren na iyon kay
