"Pare, is it okay if I go home early today? Ibibilhan ko pa kasi si JL ng vitamins niya,” pamamaalam ni Jonathan kay Gomer.
Natigilan sa ginagawa ang kaibigan at tiningnan siya na may hindi makapaniwalang ngiti sa labi. “Totoo ba ‘yang nakikita sa iyo, Pare? Inaalagaan mo na talaga si JL?”
Napangiti rin siya habang madali ang mga kamay niya sa pagligpit ng kanyang mga gamit. “Kailangan, eh. Dinadala na niya ang magiging anak ko, eh.”
“Kung gano’n ay masaya ako para sa ‘yo, Pare. Finally, magkaka-baby ka na kahit na... kahit na gano’n ang nangyari sa inyo ng tunay mong asawa.”
Sa sinabing iyon ng kaibigan ay ilang sandaling natigilan at napaisip si Jonathan. Naalala na naman niya si Ashlene. Tinawagan niya si Darren kanina, pero hindi pa rin daw sila nakikita ng kanyang kapatid.
“Iba n
