NAGMULAT ng mga mata si Carmina at ang bakanteng espasiyo sa tabi niya ang unang bumungad sa kaniya. Marahan siyang nagbuga ng hangin saka bumangon. Isinandal niya ang ulo sa headboard ng kama at niyakap ang sarili nang maramdaman ang lamig ng paligid.
Bumalik sa isip niya ang nangyari kagabi. Matapos mabasa ang mensaheng ipinadala ni Cassadee, hindi na niya nagawang kibuin si Gabriel at nanatili na lamang siyang tahimik. Kahit hanggang sa matapos ang pinanonood nilang palabas, hindi na niya ito kinibo pa. Bitin man sa kanilang ginawa ay pinili siyang hayaan ni Gabriel nang sabihin niya ritong pagod na siya at gustong magpahinga.
Muli ay isang mariin na buntong-hininga ang pinakawalan niya bago nag-angat ng paningin nang marinig niya ang ingay na nanggagaling sa labas. Alam niyang nasa
