NAGSALUBONG ang dalawang kilay ni Carmina nang makita ang ginagawa ni Gabriel. Nasa loob na sila ng isang executive suite sa The Prime Hotel. Matapos kasi nilang mag-sweet dance, kumain at manood ng fireworks ay dinala na siya nito sa isa sa mga silid. Ayon din dito ay ipinagpaalam na siya nito sa Ninang Betla niya. Pumayag naman ang matandang bakla. May naiwan na ring mga tauhan si Gabriel kasama ang ninang niya.
"Ano sa tingin mo ang ginagawa mo?" Tumayo siya at humawak sa magkabilang baywang.
Nakatayo si Gabriel sa harap ng kama at nag-umpisang maghubad ng suot kaya kinabahan siyang bigla.
"What?" nangingiting tanong ng binata.
"Bakit ka naghuhubad?"
Mula sa tabi ng sofa sa gitna ng malawak na silid ay lumapit siya sa binata habang naniningkit ang mga mata. Tumawa naman si Gabrie
