UMUWING lutang si Carmina matapos mamalagi ng ilang oras sa coffee shop kung saan sila nag-usap ni Cassadee. Ala-una na ng hapon ngunit pagpasok niya sa kanilang bahay ay napagtanto niyang wala pa rin si Betla. Napaupo siya sa harap ng mesa. Kung kailan kailangan na kailangan niya ito ay saka naman ito wala.
Pakiramdam niya ay pinipiga ang kaniyang puso. Kahit na wala siyang halos ginawa ay pagod na pagod siya. Gusto niyang umiyak at buong maghapong magkulong sa maliit nilang silid. Ngunit hindi pa nga nag-iinit ang puwet niya sa upuan ay mabilis na siyang napatayo nang makita ang taong bumungad sa nakabukas na pintuan ng kanilang bahay.
"M-ma'am Olivia... "
Matagal siyang tinitigan ng matandang babae bago nito ginala ang tingin sa loob ng bahay nila. May bahid ng pangdidiri ang mukha n
