NATIGILAN sa paglalakad sina Gabriel at Liandro nang mabungaran ang nangyayari sa labas ng hideout. Ang isang tauhan nila ay nakabagsak sa lupa habang sapu-sapo ang panga. Mula rito ay nabaling ang paningin nila kay Zacharias na nakakuyom ang mga kamay at matalim ang pagkakatitig sa lalaki.
Natuon naman ang atensiyon niya sa babaeng tila gulat na gulat habang nakatingin kina Zacharias at sa kanilang tauhan. Hindi makapaniwalang tinitigan niya ang mukha ng dalaga.
"What the f*ck is happening here!" Dumagundong ang boses ni Liandro sa buong paligid. Mabilis na tumayo mula sa lupa ang tauhan nila at nakayukong umatras, kasabay ng ilan pang tauhan sa paligid.
"Gabby?" Mula sa bungad ng pintuan ay tuluyan siyang lumabas at lumapit sa kinaroroonan ng dalaga. "What the hell are you doing here?
