MALAPAD ang ngiting sinuklay ni Carmina ang mahabang buhok bago naglagay ng pulbo sa mukha at kaunting lipstick sa mga labi. Alas-sais pa lamang ng umaga nang tawagan siya ni Gabriel at kumustahin. Ayon din sa binata ay pupuntahan siya nito.
Nasa daan na ang lalaki nang tawagan siya. Gusto raw nitong mag-agahan kasama siya. Kaya malaki ang ngiti sa mga labi niya. Siyempre, kinikilig siya sa sinabi ng binata. Nakasuot siya ng itim na sando at cargo pants na may disenyo ng camouflage. Nagwisik din siya ng pabango na palihim pa niyang kinuha sa sling bag ng Ninang Betla niya.
"Ninang, aalis na ako, ha?" Nilingon niya ang matandang bakla na mahimbing pa ring natutulog. Kulang na lang ay maglaway ito sa sariling unan.
Masaya siyang lumabas ng maliit nilang bahay. Paglabas ay bumungad agad sa
