MAGKAHAWAK-KAMAY nilang binagtas ang makipot na eskinita at pumasok sa maliit na daang pinaliligiran ng mga bahay. Kagagaling lamang nila ni Gabriel sa isang tailor shop kung saan sila nagpasukat ng damit para sa kanilang kasal.
"Wala na talagang atrasan?" untag niya nang marating nila ang tapat ng pinto ng maliit nilang bahay.
Natawa si Gabriel. "Gusto mo bang umatras?" balik tanong nito sa kaniya.
Binuksan niya ang nakakandadong bahay. Alas-diyes na ng gabi, paniguradong nasa club na ang Ninang Betla niya.
"Anong oras babalik si Betla?" Pumasok sa maliit na silid si Gabriel at ipinatong ang dalang malaking kahon sa sahig malapit sa banig na hinihigaan nila ng ninang niya.
"Mamayang alas-tres, minsan mas maaga, minsan din late."
Pumasok siya sa silid at binuksan ang nag-iisang binta
