HINDI magawang mag-relax ni Carmina habang nasa loob siya ng silid at pumipili ng damit na susuotin. Mamayang gabi ay ipapakilala na siya ni Gabriel sa pamilya nito. Kinakabahan siya. Pakiramdam niya ay halos tumalon na ang puso niya palabas ng kaniyang dibdib. Ang mga kamay niya ay namamawis.
"Kahit matinong damit, wala ako!" reklamo niya bago ibinagsak ang mga t-shirt at sandos na madalas niyang gamitin. Umupo siya sa banig at tumitig sa kawalan.
Sandaling nagpaalam sa kaniya si Betla upang pumunta sa kaibigan at humiram ng maisusuot niya. Gusto sana nitong bumili na lamang sila sa mall ng bago pero ayaw naman niyang gumasto.
Ilan sandali pa ay narinig na niya ang pagtunog ng sikmura niya. Nakaramdam na naman siya ng gutom samantalang kakatapos lang nilang kumain kanina. Tumayo siya a
