NAKAUPO ang lahat sa sala kung saan hinihintay nilang tawagan ni Pj ang dating nobya nitong si Tanya. Kabado siyang nakaupo sa mahabang sofa kasama si Gabriel at ang pulis na nakatutok sa laptop nito.
Bale, ang plano nila ay tawagan ni Pj si Tanya, at kapag sinagot ng babae ang tawag ay maaring nilang matunton ang kinaroroonan nito. Walo rin silang lahat na naroon. Siya, si Gabriel, ang ninang niya, si Pj at ang apat pang mga kapulisan. Ang iba sa mga ito ay nasa labas ng gusali at naghihintay.
"Kapag sinagot niya ang tawag mo, kausapin mo siya nang kausapin hanggang sa mahanap natin location niya. Huwag mong hahayaang ibaba niya agad ang tawag. Baka hindi natin siya ma-detect kung ganoon."
Tumango lamang ang lalaki. Makalipas ang ilang sandali, may kinalikot sa laptop nito ang isang p
