MARIING ipinikit ni Gabriel ang mga mata matapos lagukin ang natitirang alak na laman ng basong hawak niya. Maingay ang buong club hindi lamang dahil sa malakas na tugtog ng musika, kundi dahil na rin sa dami ng tao sa paligid. Mausok at may kadiliman din ang loob ng club na kinaroroonan nila ngunit hindi nakatakas sa paningin niya ang babaeng nakasuot ng yellow sundress.
Naningkit agad ang mga mata niya upang matanaw nang mabuti ang babae, ngunit mabilis iyong tumalikod at tumakbo palayo. Sinubukan niyang habulin ito ng tingin, maging ang lalaking kasunod nito na kung hindi siya nagkakamali ay ang lalaking si Pj.
"Dinala kita rito para makalimot, hindi para maglasing."
Nakuha ng lalaking nagsalita ang atensiyon. Binaling niya rito ang paningin at nakitang umiiling ito sa kaniya.
"And
