"KAHIT na anong makapagbibigay ng hustisiya sa pagkamatay ni Papa."
Mabilis nilingon ng dalagang si Carmina ang lalaki. Nakita niya itong mariin na nakatitig sa pinto. Hindi niya inaasahan ang mga narinig dito. Kung ganoon ay ulila na rin pala sa ama ang binata.
Hindi niya magawang magsalita. Nanatili lang siyang nakatayo na para bang pinako siya sa kinatatayuan. Paulit-ulit niyang iniisip ang mga sinabi nito. Ibig sabihin ba niyon, hindi basta namatay ang tatay nito? Na may pumatay sa tatay ni Gabriel?
Nilingon siya ng lalaki at isang singhap ang kumawala sa bibig niya. Bahagya pang umawang ang mga labi niya habang nakatitig sa matalim na mga mata ng binata. Matagal na magkahanay ang mga mata nila muli siyang mapasinghap nang bigla siya nitong hapitin sa baywang at siilin ng halik sa m
